Bella Hadid po bëhet gjithnjë e më shumë e njohur dhe e suksesshme në fushën e modelingut. Ajo mori famë prej postimeve të shumta në Instagram nga vendet luksoze që frekuentonte me të motrën Gigi-n dhe miken e saj Kendall Jenner. Në rrjetet sociale shikojmë shpesh foto të postuara prej Bella-s, ku ajo duket perfekte, por në fakt edhe Bella është si të gjitha vajzat. Ajo mund të jetë një modele e suksesshme dhe ndër më të paguarat, por edhe ajo ka celulit dhe strija, si shumica e vajzave.
Dje ajo është fotografuar në plazhet e Cancun-it në Meksikë së bashku me dy mike të saj. Modelja kishte veshur një kostum plazhi portokalli dhe u fotografua teksa vraponte në breg. Ajo që nuk mund t`i shpetojë syrit të publikut janë strijat dhe celuliti që modelja ka. Bella është modeli më i mirë për t`iu treguar vajzave se askush nuk është perfekt, se duhet të ndiheni mirë me trupin që keni dhe se imperfeksionet nuk ju pengojnë që të jeni të suksesshëm.
