Nëntë ditë nga hedhja e shortit për dy kompeticionet e UEFA-s: Europa League dhe Champions League, duket se gjërat nuk premtojnë për mirë për Skënderbeun. Në publikimin e skuadrave që do të marrin pjesë në dy turnetë, nuk është përfshirë Skënderbeu.
Qeveria e futbollit europian nuk ka pritur më shumë, duke zëvendësuar nder klubet shqiptare, përfaqësuese në turnetë Europiane 2018-19, Partizanin, në vend të kampionëve të sapokurorëzuar të Shqipërisë.
Nuk është se nuk pritej në fakt kjo lëvizje e UEFA-s, që ka legjitimuar në Champions League Kukësin, ndërkohë që bashkë me të kuqtë në Europa League, do të prezantohen edhe Laçi e Luftëtari.
Mungesa në vazot e shortit për turet paraeleminatorë të kompeticioneve Europiane nuk duhet të shqetësojë aspak moralin e Skënderbeut, që mbetet ende në pritje për vendimin e CAS-it, që mund të ndryshojë një vendim të dhënë nga instancat përkatëse të UEFA-s, që sic duket nuk ka asnjë dyshim në veprimet e saj për të sanksionuar korcarët.
