Kryeministri Edi Rama ka publikuar në adresën e tij në Facebook raportin e Instat ku sipas të cilit “papunësia ka rënë nën 13% për herë të parë pas 22 vitesh”.
Sipas INSTAT ky është një rekord historik pasi papunësia ka arritur në 12.5%.
“Në drejtim të punësimit vazhdon vit pas viti një kthesë themelore drejt një të nesërmeje shumë më të mirë se sa e sotmja,” shkruan Rama në Facebook.
Statusi i plotë:
INSTAT nxori dje shifrën e re të papunësise dhe pa pasur as më të voglën vetëkënaqësi, sepse sfida mbetet e jashtëzakonshme e komplekse – duke filluar nga domosdoshmëria për ta ulur më tej papunësine, tek nevoja për të rritur mbrojtjen e punonjësve si edhe objektivi ambicioz që pagat e ulëta të rriten gjithashtu – qëndron sidoqoftë fakti i pamohueshëm që në drejtim të punësimit vazhdon vit pas viti një kthesë themelore drejt një të nesërmeje shumë më të mirë se sa e sotmja.
