Një politikan meksikan, aktiv në çmontimin e krimit të organizuar u qëllua për vdekje, ndërsa ai po bënte një selfie me një nga mbështetësit e tij.
Fernando Purón, ish-kryebashkiaku i Piedra Negras, u vra të premten pasi kishte marrë pjesë në një debat në Kongres.
Ngjarja tronditëse është fiksuar nga kamerat e sigurisë që tregojnë një burrë me mjekër dhe me kapele që ecën prapa 43-vjeçarit dhe e gjuan atë në pjesën e pasme të kokës.
Purón vdiq rrugës për në spital. Ai u bë i njohur për punën e tij duke luftuar kundër aleancës kriminale “Los Zetas”.
Purón i cili ishte babai i një fëmije kishte folur për punën e tij duke luftuar bandat ndërsa kishte funksionin e kryebashkiakut nga 2014 në 2017.
Vdekja e Purón e bën atë kandidatin e 112-të politik të vrarë në Meksikë që nga shtatori i vitit të kaluar.
https://youtu.be/yRpuf3JW8NQ
