Qendra Ndërkombëtare e Kulturës ose e njohur ndryshe si “Piramida” u sulmua të martën nga disa persona që kishin hyrë për të vjedhur. Piramida është në pronësi të Bashkisë së Tiranës, ndërsa një pjesë e mjediseve të saj është në përdorim nga televizioni Top Channel në bazë të një kontrate qiraje.
Policia arrestoi një nga autorët, i cili dyshohet të ketë vjedhur disa kallbo elektrik duke shkaktuar avari në rrjetin e furnizimit me energji në ambientet dhe disa nga zyrat e Top Channel dhe “Top Albania Radio”.
Personat e pautorizuar kanë shfrytëzuar amortizimin e godinës në pjesën që menaxhohet nga autoritetet shtetërore për të depërtuar deri në mjedise të thella. Ata kanë thyer edhe një kamera sigurie të vendosur nga shërbimi privat i ruajtjes fizike.
