E premtja është vënë si afati i fundit i artistëve që qeveria të tërheqë vendimin për prishjen e godinës së Teatrit Kombëtar. Mbrëmjen e së mërkurës, përmes një mesazhi video, aktori Bujar Asqeriu u është drejtuar të gjithë shqiptarëve me një thirrje të ndjerë.
Asqeriu ka kërkuar pjesëmarrjen e qytetarëve të Tiranës në protestën e fundit të artistëve që kërkojnë ruajtjen e Teatrit Kombëtar si një godinë me vlera të mëdha historike dhe emocionale për ta.
“Jeni të ftuar për të mbrojtur kauzën tonë, jeni të ftuar për të mbrojtur teatrin tuaj, për të mbrojtur traditën tonë kulturore, historinë tonë. Ju ftojmë të gjithëve të jeni aty me ne, për ti thënë grabitqarëve të heqin duart dhe thonjtë dhe të largohen nga grabitja e territorit të Teatrit Kombëtar. Ju mirëpresim” – thotë Asqeriu.
