Kur bëhej gati të hynte në takim me artistët për të diskutuar projektin e Teatrit Kombëtar, kryetari i Bashkisë së Tiranës, Erion Veliaj u qëllua me vezë nga disa të rinj. Veliaj ishte bashkë me Aldrin Dalipin kur u ndal për një çast në hyrjen e Plaza.
Një i ri i afrohet dhe nis e qëllon me vezë. Kryebashkiaku reagon instiktivisht. I shmanget të parës. I dredhon edhe të dytës dhe kur truprojat i janë hedhur me duar të fyt të riut, i shmanget një veze të tretë.
Në video duken truprojat që i janë hedhur të riut që goditi me vezë. Kryebashkiaku i trembur është futur brenda në sallë. Nga pas e ndjekin thirrjet "Oligark! Barbar! Plehrë".
Deri më sot, protestat e artistëve kanë qenë paqësore dhe janë shpërfillur deri tani për një nga projektet më të rëndësishme që parashikon shkatërrimin e godinës aktuale të Teatrit Kombëtar dhe ngritjen e disa kullave në pjesën e pasme të tij. Një ligj i posaçëm pritet të miratohet në parlament për projektin e Teatrit të ri, që i bën të kota diskutimet me artistët.
[video width="198" height="360" mp4="https://cdnimpuls.com/lapsi.al/wp-content/uploads/2018/06/LAJM-I-FUNDIT_-Të-rinjtë-e-PD-qëllojnë-me-vezë-Veliajn-VIDEO.mp4"][/video]
