Serbia i ka ndaluar hyrjen në këtë vend, këshilltarit të kryeministrit Edi Rama për çështjet rajonale, Shkëlzen Maliqi. Gjithçka ka ndodhur në pikën kufitare në Merdare.
Ai po shkonte në Serbi bashkë me një ekip për promovimin e librit “20 vjet Përtej/Preko/Beyond”. Vetë Maliqi e cilësoi ngjarjen si hakmarrje policia kufitare e Serbisë nuk i dha asnjë informacion apo për vendimin e tyre.
Maliqi po udhëtonte me dramaturgun dhe drejtorin e Qendrës Multimedia Jeton Neziraj dhe kryeredaktoren dhe fotografen e “Kosovo 2.0”, Besa Luci dhe Majlinda Hoxha.
Pas ndalimit të Maliqit edhe anëtarët e tjerë të grupit vendosën të kthehen në Prishtinë. Ende nuk ka pasur një reagim nga qeveria shqiptare.
