Mediat serbe nuk e kanë kaluar aspak mirë festimin me shqiponjë të lojtarëve të Zvicrës, Granit Xhaka dhe Xherdan Shaqiri.
“Kurir.rs” shkruan se FIFA duhet të ndërhyjë pasi gjesti i shqiptarëve ishte një provokim për serbët.
Sipas të njëjtit portal ai është një simbol i Shqipërisë dhe kjo nuk lejohet.
Alo.rs shkruan se “Zvicra” mposhti Serbinë. Thotë se e ka vënë qëllimisht në thonjëza pasi shënuesit e golave ishin 2 shqiptarë. Sipas këtij portali Xhaka dhe Shaqiri kërkonin kamerat për të treguar shqiponjën me krenari. ©LAPSI.al
