Partia Socialiste njoftoi se Taulant Balla do të dilte në një konferencë për mediat nga selia e Partisë Socialiste për t'i dhënë përgjigje Lulzim Bashës në lidhje me akuzat se ai ishte i lidhur me personat që futën 3.4 milion euro, para të thata në dy makina tip Toyota, që u ndaluan në Durrës.
Arsyet e anullimit të kësaj konference janë të paqarta. Taulant Balla është kryetar i Grupit Parlamentar të Partisë Socialiste dhe të enjten e kaluar u akuzua nga Lulzim Basha se kishte lidhje me miliona euro të fituara nga trafiku i drogës, që po mbërrinin në Shqipëri me një makinë tip Toyota Yaris. Balla nuk u përgjigj në parlament. Nuk u përgjigj as nga selia e Partisë Socialiste, por përgjigjen e tij e ka dhënë nga profili i tij në Facebook.
"O Babale! Mjere kush te beson ty akoma dhe taksirati yne qe kemi perballe nje opozite qe e ktheve ne teater babalesh!Je kaq i mbaruar o Babale sa tani nuk ke me kellqe as te shtrengosh llastikun e brekusheve te rrenave, qe te bien perdite ne sy te miletit dhe ti hic s’do me dit, po vazhdon si budallai i fshatit... Hajde Babale hajde, fli gjume tani fli se per sot e dhe shfaqjen e renies se brekusheve" shkruan Balla.
