Vetëm në Shqipëri mund të bëhen bashkë në një bibliotekë, një libër, një tharëse flokësh dhe një letër higjenike. Janë mjetet e punës të punonjësve të Bibliotekës Kombëtare që këto ditë po thajnë me ç'të munden librat e dëmtuar nga përmbytja e katit të nëndheshëm. Shumë prej librave janë nxjerrë në dritare për t'u tharë në diell, siç tregojnë fotot më poshtë të realizuara nga LSA. Kjo është katastrofa e dytë që ndodh në këtë institucion, që para përmbytjeve ka rënë pre e zjarrit. Edhe atëherë askush nuk mbajti përgjegjësi për dëmet që iu shkaktuan librave.
