LSI ka bërë një lëvizje të papritur në seancën parlamentare të së enjtes. Ndërsa po diskutohej vendimi i ministrave të jashtëm të BE për çështjen e çeljes së negociatave ka marrë fjalën deputeti i LSI-së, Luan Rama. Ai tha se kjo çështje meritonte një debat të përgjegjshëm nga forcat politike dhe jo një farsë.
“Deputetët e LSI refuzojnë të bëhen pjesë e kësaj farse. Këtu u bë debati “më the”, “të thashë”. Nuk mund të fshihet e vërteta pas farsave për të keqen që vjen më pas. E keqja nuk është te pallati i drejtësisë, por te pallati i kryeministrisë dhe ne refuzojmë të vazhdojmë më tej këtë debat” – tha Rama duke dalë nga salla.
