Shoferi i ministrit të Brendshëm, Fatmir Xhafaj është gjetur i pajetë me plumb në kokë brenda garazhit, të caktuar për mjetet e Ministrisë së Brendshme.
Sot rreth orës 09:30 të mëngjesit, në garnizonin e Gardës së Republikës është gjetur i pajetë brenda garazhit, të caktuar për mjetet e Ministrisë së Brendshme, gardisti me detyrë shofer i Ministrit të Brendshëm, shtetasi Shkëlqim Qordja, 31 vjeç.
Trupi i pajetë u konstatua nga punonjës të Gardës. Grupi hetimor nën drejtimin e Prokurorisë së Rrethit Gjyqësor Tiranë është duke punuar për të qartësuar shkaqet e ngjarjes dhe zbardhjen e rrethanave.
