Kryetarja e LSI-së Monika Kryemadhi ka bërë sot një kërkesë publike ndaj bashkëshortit të saj, Presidentit të Republikës, Ilir Meta. Në një dalje për mediat ajo i ka kërkuar kreut të shtetit të mos e dekretojë ligjin për shembjen e Teatrit Kombëtar edhe nëse mazhoranca e miraton atë e vetme.
“Zoti Meta ka shansin për të shlyer gabimin e tij, që u solli shqiptarëve Edi Ramën në krye, kështu që besoj se duhet të gjejë forca brenda vetes së tij, për ta rikthyer mbrapsht atë ligj”, - tha Kryemadhi.
Një kthim i mundshëm në Parlament nga presidenti thjesht do ta vononte për hyrjen në fuqi të ligjit. Me të njëjtin vullnet mazhoranca do ta votonte, ndërkohë që në mungesë të Gjykatë Kushtetuese funksionale, ankimimi nuk merr vlerë.
