Pas një shkrimi të Lapsi.al se si “princesha” Elia kishte hedhur një firmë për prishjen e Teatrit Kombëtar, kur ka qenë gjyshi i bashkëshortit të saj që kishte nënshkruar ngritjen e asaj godine, Elia Zaharia ka pohuar për Lapsi se firma e saj është falsifikuar në letrën e 64 aktorëve që kërkonin shembjen e godinës dhe ngritjen e një teatri të ri. Pas insistimit të gazetarit se nëse në vijim del një dokument ku duket firma e saj aktorja, është përgjigjur: “Po të gjendet e ka vënë dikush tjetër, unë nuk kam firmosur kurrë”.
Në fakt “princesha” aktore ka mbajtur një qëndrim shumë më pranë atij grupimi që ishte për godinën e re. Dhe kjo mund të ketë bërë që grupi organizator, i udhëhequr nga legjendari Artan Imami, të ketë vendosur duke manipuluar emrin e saj në listë.
“Unë e vërtetoj se nuk kam qenë fare në Shqipëri, kam qenë me pushime”, ka thënë aktorja. Ky është rast i dytë që lista propagandistike e kërkuar me urgjencë dhe diktat politik del bllof. Më parë, edhe gruaja e Pirro Manit, Pavlina, deklaroi se bashkëshortit të saj që gjendet në SHBA i është falsifikuar nënshkrimi.
Me sa duket kjo puna e përdormit të aktorëve po vjen pak si era e marifeteve të “lali Erit”, që falsifikoi firmën e atij policit bashkiak që gjoja i kishte vënë gjobë PD-së pas protestës. Por çështja është se si mund të shkojnë kaq larg këta njerëz sa të gënjejnë edhe në peticione që i dërgohen kryeministrisë dhe presidencës?
©Lapsi.al
