Ish-kryebashkiaku i Kavajës, Elvis Rroshi, u dënua me 60 orë punë në komunitet, ndërsa akuzohej për përdorimin e dokumenteve të falsifikuara, patenta e pasaporta, ishte i dënuar për përdhunim në grup si dhe përdorimin e disa emrave kur ishte emigrant në Itali.
Rroshi nuk dha asnjë prononcim për mediat dhe zgjodhi të hynte nga dera e pasme e gjykatës, ndonëse u ndje disi në siklet kur e pa sallën të mbushur plot me gazetarë e njërëz të interesuar për fatin e tij.
Për të u vendos fillimisht dënimi me 7 muaj e 15 ditë burg, por duke qënë se përfitoi nga gjykimi i shkurtuar, gjykata e konvertoi dënimin me 60 orë punë në komunitet, me kusht që gjatë kësaj kohe të mos takohet me asnjë të dënuar.
Përveç akuzave për falsifikimin e formularit të dekriminalizimit ku fshehu dënimin në Itali me 1 vit e 4 muaj për përdhunim në grup, Prokuroria saktësoi se Rroshi është dëbuar nga tre vende europiane, Italia, Zvicra e Gjermania, por arsyeja nuk është zbuluar.
Ish-kryebashkiaku, i përzgjedhuri i kryeministrit Edi Rama, u detyrua të japë dorëheqjen pasi opozita i zbuloi atij rekordet kriminale në të kaluarën.
