Një operacion policor mbrëmjen e së mërkurës nga Policia e Kosovës në disa lagje të Prishtinës ka çuar në arrestimin e 4 personave. 3 prej të arrestuarve janë shtetas të huaj, ndërsa tjetri është nga Kosova.
Të arrestuarit dyshohen se kanë kryer vrasje, ka bërë të ditur policia e Kosovës.
“Policia e Kosovës, gjatë realizimit të një operacioni policor në Prishtinë, me qëllim identifikimin dhe arrestimin e disa personave të dyshuar për vepra kriminale ka rezultuar me ndalimin e 4 personave të dyshuar; 3 shtetas të huaj dhe një kosovar. Shtetasit e huaj janë në kërkim ndërkombëtar, të dyshuar edhe për vrasje”, - ka thënë zëdhënësi i Policisë së Kosovës, Daut Hoxha.
Aksioni është fokusuar në lagjen Kalabria të Prishtinës, ku janë parë duke u arrestuar disa persona.
