Policia italiane ka zbuluar në komunën a San Tammaros një plantacion marijuane, për të cilën janë arrestuar dy shqiptarë si të dyshuar për kultivimin e lëndës narkotike.
Mësohet se shqiptarët e arrestuar janë L.S 28 vjeç e Z.M 25 vjeç, të cilët jetonin në një banesë pranë plantacionit rrethuar nga pemë e bimë të larta. Për kultivimin e marijuanës dy shqiptarët kishin ndërtuar një sistem ujitës modern, raportojnë mediat italiane.
135 bimë kanabis, të larta 1.5 metra, u sekuestruan në plantacion ndërsa në banesën e shqiptarëve janë sekuestruar një sasi tjetër marijuane e gatshme për t’u shitur, një pushkë gjahu e një pistoletë gjuetie e modifikuar.
Mësohet se dy shqiptarët e arrestuar janë pa leje të rregullt qëndrimi në Itali.
