Deri 48 orë më parë, Mati ishte një rezort i bukur bregdetar. Në njërën anën pyjet e dendura, në anën tjetër deti.
Flakët gjigande e shndërruan në një vend të shkretuar, të mbuluar nga hiri. Ndërtesat janë nxirë nga flakët, kurse pyjet janë zhdukur. Në rrugë gjen vetëm skeletet e makinave të djegura plotësisht, ndërsa nëpër pyje janë hedhur sendet e njerëzve që vraponin për t'i shpëtuar flakëve.
Një ditë pas flakëve apokaliptike që pushtuan Atikën, zyrtarisht flitet për 80 viktima, por numri i të zhdukurve është ende i madh. Fotot më poshtë tregojnë pamjet e një dite më pas. Kudo mbizotëron ngjyra e hirtë.
