Ministria e Brendshme e Sllovakisë u angazhua të marrë 84 pushues sllovakë që e kaluan natën në Rinas për shkak se agjensia turistike me të cilën kishin ardhur në Shqipëri, falimentoi. Bëhet fjalë për kompaninë Albania Travel e cila ishte siguruar pranë kompanisë së sigurimit "Uniqa".
"Ministrisë sonë iu kërkua ndihmë nga një kompani sigurimi që do të paguajë shpenzimet e udhëtimit për pushuesit" tha zëdhënësi i Ministrisë së Brendshme sllovake Petar Lazarov.
Në Sllovaki pushuesit po këshillohen të mos zgjedhin agjensi udhëtimi që kanë vetëm një destinacion, tregues ky për mungesën e eksperiencës dhe pasigurinë e këtyre kompanive, siç ishte rasti i Albania Travel, kompani në Popbrad.
