Pas refuzimit të dekretimit të ligjit për shembjen e Teatrit Kombëtar nga ana e Presidentit Ilir Meta, ka reaguar Aleanca për mbrojtjen e teatrit.
Në një reagim të tyre, artistët përgëzojnë vendimin e Presidentit duke e cilësuar si gardiani i Kushtetutës së Shqipërisë.
Gjithashtu, artistët theksojnë se u fitua beteja, por jo lufta. Sipas tyre ajo përfundon kur të vendoset restaurimi i godinës aktuale dhe jo shembja e tij dhe më pas shitja e pronës ku ndodhet godina aktuale e Teatrit Kombëtar.
"Përgëzojmë Presidentin Meta që i shërbeu kushtetutës si gardian i fundit i saj duke e kthyer prapa për shqyrtim në parlament ligjin e posaçëm që shemb Teatrin Kombëtar. Megjithatë beteja vijon. Fituam kohë me këtë ngjarje të fundit por beteja nuk është fituar deri sa ai ligj tërhiqet përfundimisht dhe ti hapet rruga e restaurimit kësaj godine historike." - shprehen artistët.
