Mjekët e onkologjikut kanë përgenjeshtruar deputeten e PD-së Oriola Pampuri që denoncoi mungesën e herceptinës për të sëmurët me kancerin e gjirit. Shefja e onkologjikut tha se, deputetja e PD-së ka gënjyer dhe se mjaftonte të pyeste mjekët për të kuptuar se herceptina e të gjitha llojeve nuk ka munguar për gratë e sëmura me kancerin e gjirit. Mjekët dolën në një deklaratë për mediat për të përgënjeshtruar deputeten Oriola Pampuri, ndërsa informuan se vetëm ditën e sotme kanë marrë kurën e herceptinës 27 paciente.
Sot paradite, deputetja Oriola Pampuri e quajti skandaloze mungesën e herceptinës tek Onkologjiku, duke akuzuar direkt kryeministrin Edi Rama që nuk e ka mbajtur premtimin për gratë e sëmura me kancer.
