Në Spitalin Onkologjik mungon një prej kimio-preparateve më të rëndësishëm për gratë që vuajnë nga kanceri i gjirit, herceptina. Denoncimin e ka bërë deputetja e PD-së Oriola Pampuri që kujtoi premtimin e Ramës për furnizimin e të sëmurave me kancer në QSUT që kanë nevojë për preparatin.
Ajo kujtoi premtimin që dha kryeministri Rama se flakonët e herceptinët do të ishin falas për gratë e sëmuara me kancer.
Në fakt Rama e mori vendimin për shpërndarjen e herceptinës falas gjatë mbledhjes së qeverisë në Fier, në muajin prill, nga ku premtoi zgjidhjen përfundimtare të problemit.
“Tanimë do të përfitohet falas dhe do të mundësohet nga të gjitha spitalet publike. Nuk do të ketë më asnjë mungesë në trajtimin me këtë ilaç për gratë dhe vajzat”, u shpreh Rama.
Me këtë premtim të pambajtur, kryeministri duket se ka kaluar përtej gënjeshtrave të zakonshme, përderisa qindra gra të sëmura me kancer e kanë pritur me ankth zgjidhjen e problemit.
https://www.facebook.com/lulzimbasha.al/videos/1987590467958791/?notif_id=1532858859141716¬if_t=live_video
