Vilson Brahaj, personi që vendosi tritol në shtëpinë e Xhelal Dacit në Bathore pranoi në gjyq autorësinë e krimit, por tha se ishte gënjyer nga porositësi, njeriu që e pagoi me 5 mijë euro.
“E bëra kur nuk e dija që këto familje janë në gjak. Më ka thënë ai që më pagoi. Do vendosësh tritol këtu tek kjo shtëpi. Është shtëpia ime dhe e dua për azil”-ka thene ai.
Sipas tij, personi qe i dha shumën e eurove, është 24-25 vjeç dhe jeton në Bathore. Ka qenë ky person që i ka siguruar edhe tritolin që ai më pas e ka vendosur.
Brahja ka treguar se ai i ka thënë që shtëpia ku do e vendoste ishte e tija.
“Të nesërmen e mora në telefon, lekët s’mi dha. I thashë më fute në gjak me të tjerët. Të nesërmen i doli telefoni i fikur. E kam bërë për hall zoti gjyqtar. Unë jam banor në Kamëz shtëpia që e vura eshte në Bathore. E mora vesh në lajme çfarë kisha bërë”- tha ai.
