Një 23-vjeçar ka mbetur i plagosur pas një sherri me thikë në rrugën ‘Jordan Misja’ në kryeqytet. Burime zyrtare nga policia bënë me dije se 19- vjeçari R.K., banues në Paskuqan, ka plagosur me thikë 23-vjeçarin me inicialet S.B.
Ky i fundit fill pas ngjarjes është transportuar me urgjencë për në spital, ndërsa fatmirësisht ndodhet jashtë rrezikut për jetën.
Ndërkohë, pak pas krimit autori i dyshuar është larguar nga vendi i ngjarjes. Aktualisht policia po vijon hetimet për zbardhjen e plotë të ngjarjes si dhe kapjen e autorit.
