Presidenti Ilir Meta prej disa ditësh ai po shijon bukuritë e natyrës shqiptare, si në zonat bregdetare, ashtu edhe në alpe. Përmes postimeve në rrjetet sociale, Kreu i Shtetit çdo ditë na ka njohur me zonat që ka vizituar.
Pasi ka promovuar ecjet në natyrë, burimet me ujë të ftohtë, e natyrën mbresëlënëse të alpeve shqiptare, këtë mëngjes Presidenti Meta ka publikuar një video ndryshe, ku praktikon një sport ekstrem, të cilin e ka ndarë me ndjekësit në rrjetin social “Facebook”.
Presidenti Meta ndodhet në Grykën e Rugovës dhe ka provuar sportin e njohur si Zip-Line.
“Mirëmëngjes të dashur miq dhe një javë të mbarë! Kush dëshiron të përjetojë një eksperiencë fantastike në Grykën e Rugovës duhet të shijojë Zip-Line. Është një adrenalinë e paparë! Sportet ekstreme do të mbeten përherë të dashura për mua!”, shkruan Presidenti Meta në përshkrimin e videos.
