Gjykata e Apelit të Krimeve të Rënda ka rrëzuar ankimimin e ish-kryeprokurorit Adriatik Llalla, duke lënë në fuqi sekuestron preventive ndaj disa pasurive te tij vendosur nga shkalla e pare.
Ankimimin në emër të Llallës e kishte bërë avokati i tij, Sokol Hazizaj, por as ky i fundit nuk ishte i pranishëm në seancë pasi ndodhej me pushime. Në këto kushte gjyqtari Idriz Mulkurti kërkoi caktimin e një avokati kryesisht. Prokuroria përfaqêsohej nga Bujar Sheshi.
Akuzat ndaj Llallês u ngritën pas dorëheqjes së tij nga sistemi i drejtësisë. Ish kryeprokurori hetohet për “shpërdorim detyre”, “deklarim të rremë të pasurisë” dhe “pastrim të produkteve të veprës penale”.
© Lapsi.al
