Edhe pse një prej rrugëve më të frekuentuara në vend gjatë stinës së verës, rruga për në Llogara, segmenti i Dukatit rreth 1 kilometër, prej 6 vitesh është më problematiku.
Pak kohë më parë aty u bë një investim sipërfaqësor, por situata mbetet problematike. Madje drejtuesit e mjeteve rrezikojnë edhe jetën, sidomos natën, pasi zona nuk ka as ndriçim.
Segmenti rrugor Vlorë-Himarë, në zonën e Dukatit është i rrezikshëm, sidomos për ata që udhëtojnë për herë të parë, ose kanë zgjedhur orët e natës për të qarkulluar, shkruan Top Channel.
Në kulmin e sezonit turistik, ky aks rrugor është i ngarkuar me lëvizje, por askush nuk ka bërë investime këtu, duke e lënë gjithnjë për një kohë të dytë rikonstruksionin e kësaj rruge.
