Një fluks i shtuar i lëvizjes në hyrje të pikëkalimit kufitar të Kapshticës është regjistruar mëngjesin e kësaj të shtune.
Policia Kufitare njofton se ka marrë të gjitha masat për të përballuar situatën dhe për të shmangur vonesat në procedimin e emigrantëve.
Aktualisht, policia shqiptare po punon me kapacitet maksimal, me 5 sportele në hyrje dhe 3 sportele në dalje.
Policia njofton gjithashtu se po bën gjithçka të mundshme për të normalizuar situatën, duke vijuar me procedura të përshpejtuara kontrollet në kufi.
