Gjyshi i autorit të masakrës së Selenicës ka treguar për mediat momentet e tmerrit nga gjithë ajo që i kanë parë sytë.
“Ishim në drekë, në atë festë, ai piu një birrë dhe një tjetër e mori me vete. Unë u ngrita nga tavolina si plak që jam më shpejt, pas meje u ngrit edhe ky. I thashë ca do bësh, më tha do nxjerr dhentë” - tregon gjyshi.
Duke u ndalur në skenën pas krimit, ai tregon: “Nipin dhe nusen i gjata te vrare ne avlli. Pashe vëllain dhe kunatën te vrare. Ulërija më kot, askush nuk me dëgjonte. Erdha tek byrazeri e gjeta përmbys. E rregullova, gjeta dhe gruan i ujdisa. Pastaj gjeta nuset. Të tërë i gjeta përjashta. Pastaj shkoj tek nipolli i vogël. Ajo ishte kujë e zezë.”
