Inspektoriati i Mjedisit gjobiti me 1 milionë Lekë të vjetra kryetaren e Bashkisë së Sarandës, Florjana Koka. Kjo e fundit u gjobit për mosmenaxhim të mbetjeve në qytet, ndërsa 500 mijë Lekë është masa administrative e vendosur ndaj firmës së pastrimit.
Situata e keqe me plehrat në qytetin bregdetar bëri që Inspektoriati i Mjedisit të marrë masa për përmirësimin e kësaj gjendje. Denoncimet për situatën e plehrave në këtë qytet janë bërë kryesisht në rrjetet sociale nga pushues që kanë vënë në dukje neglizhencën e firmës së pastrimit dhe indiferencën e Bashkisë.
