Të paktën 39 persona humbën jetën nga rrëzimi i urës Morandi në autostradën A10 në Genova të Italisë, mes të cilëve dy shqiptarë.
Shumica prej tyre ishin të rinj dhe të reja të cilët ndodheshin në vendin dhe kohën e gabuar, pasi jeta e tyre u pre në mes sa hap e mbyll sytë.
Mediat italiane kanë publikuar fotot e shumicës prej viktimave nga kjo tragjedi që ka prekur zemrat e miliona njerëzve në botë.
Në mesin e vitkimave janë edhe dy shqiptarët Marjus Djerri dhe Admir Bokrina si dhe tre fëmijë.
Mediat italiane raportojë se bilanci i viktimave mund të rritet, pasi mes 16 të plagosurve, 12 prej tyre janë në gjendje të rëndë.
Zjarrfikësit punuan gjithë natën për nxjerrjen e trupave të tjerë nga rrënojat e rrugës së shembur.
