Pas njoftimit të bërë nga policia për sekuestrimin e 1 milion eurove, para të cilat dyshohet se Roland Shëmbitrasi, i ekzekutuar në Greqi i kishte vënë nga trafiku i drogës, ka reaguar partia Demokratike.
Përmes një deklarate për mediat, PD i bën thirrje policisë dhe prokurorisë që të mos veprojnë me dy standarde, duke sekuestruar paratë dhe pasuritë e personave të vdekur (lexo lajmin më poshtë), por të hetojnë dhe sekuestrojnë edhe paratë e miqve të taulant Ballës dhe të ministrave.
(FOTO) Iu sekuestruan 1 milion euro, kush fshihet pas parave dhe ekzekutimi mafioz
PD pyet policinë e shtetit se kur do të veprojnë njësoj edhe me pasurinë e Edmond Begos.
“Duke kërkuar që “Forca e ligjit të mos bjerë vetëm mbi pasuritë e atyre që nuk jetojnë më, por edhe mbi pasuritë e krimit të lidhur me pushtetin, Partia Demokratike i kërkon Policisë së Shtetit të sqarojë opinionin publik. Kur do të zbatohet i njëjti standard i “Forcës së Ligjit” ndaj vëllait te Ministrit të Brendshëm, Agron Xhafaj, aktualisht në burg për trafik droge? Kur do të zbatohet i njëjti standard i “Forcës së Ligjit” ndaj mikut të familjes së Taulant Ballës, trafikantit të dënuar me 21 vjet burg për trafik droge Edmond Bego? “ – thuhet në reagimin e PD-së.
