Një plagosje me armë ka ndodhur mbrëmjen e së hënës në një lokal në Ishull Lezhë. Burime të lapsi.al thonë se është qëlluar në drejtim të një personi i cili ka mbetur i plagosur rëndë.
Sipas të njëjtave burime i plagosur ka mbetur Arben Gjini i cili ka marrë një plumb në këmbë dhe një në shpatull. I plagosuri është dërguar në Spitalin e Traumës në Tiranë për mjekim më të specializuar.
Në vendin e ngjarjes kanë shkuar forca të shumta të policisë. Burime në vendin e ngjarjes thanë se i plagosuri është banues në Mirditë. Ai ndodhej në kafe bashkë me autorin, por pati një znënkë me të që përfundoi deri në përdorimin e armëve.
