Për të parë sistemin Var në Champions duhet ende të presim. Me shumë mundësi akoma edhe ndonjë vit, sipas asaj që ka lënë të kuptohet Aleksander Ceferin, presidenti i Uefa, që është treguar ende shumë skeptik në përdorimin e teknologjisë në ndihmë të arbitrave. Në një intervistë për gazetën sllovene Ekipa, numri një i intitucionit që drejton futbollin europiane ka mohuar përfshirjen e Var në Champions: “Nuk di nga ka dalë ky lajm, Uefa nuk mendon të përfshijë VAR në cerekfinalet e Champions këtë vit: nuk më bind ende, ka shumë gjëra për tu qartësuar”.
Ceferin ka vazhduar më pas duke sqaruar pozicionin e tij: “Kam folur me dizenjatorin Rosetti: e dimë që një ditë do të na duhet ta përdorim, por duhet kuptuar: kush do të vendosë që të përdoret?”. Dyshimet e Uefa bien mbi kapacitetin e të gjithë arbitrave për të përdorur në perfeksion Var. Aktualisht në Europa janë 8 kampionate, ndër më të rëndësishmet, ku përdoret Var: Gjermani, Belgjikë, Spanjë, Itali, Francë, Poloni, Portugali e Turqi, ndërsa në Angli në këtë sezon është menduar impenjimi i teknologjisë në 60 ndeshjet e FA Cup e në ndeshjet e Kupës së Lega që zhvillohen në stadiumet e skuadrave të Premier.
