Kreu i PD-së, Lulzim Basha, i ka bërë thirrje kryeministrit Edi Rama për t’u tërhequr nga ligji për shembjen e Teatrit Kombëtar. Gjatë një deklarate për mediat, Basha lëshoi një ultimatum për kryeministrin.
“Të tërhiqet menjëherë pa bërë gëk mëk. Shansin i’a ka dhënë Presidenti me kthimin e ligjit. E përshendes personalisht këtu kreun e shtetit. Të tërheq ligjin Fusha, mos t’i shkojë ndërmend ta sjellë në seancë se do të përballet me pasojat më të paparashikueshme. Do të jetë shpallje e konfrontimit dhe e përplasjes civile”, u shpreh kryetari i opozitës.
Sipas Bashës, miratimi i ligjit në parlament, do të thotë të asgjësosh kushtetutën, të grabitësh pronën publike për të pastruar paratë e drogës.
“Ajo është vija e kuqe, pastaj gjithcka do të jetë në dorë te qytetareve dhe ketu nuk dikton më opozita’ theksoi Basha.
©LAPSI.al
