Policia e Cërrikut parandalon përshkallëzimin e mëtejshëm të një konflikti mes dy vëllezërve, ku mund të përdorej edhe arma e zjarrit.
Në pranga ka përfunduar Taulant Hoxha, 38 vjeç, banues në fshatin Shtëpanj, i cili në momentin që ka mbritur Policia ka hedhur nga dritarja e banesës armën e zjarrit.
Ndërhyrja e policisë erdhi pas marrjes së një telefonatë se në fshatin Shtëpanj, po ndodh një konflikt mes 2 vëllezërve, ku një prej tyre kishte armë zjarri dhe mund ta përdorte.
Në cilësinë e provës materiale u sekuestruan një armë zjarri tip automatik, dy krëhra, 200 fishekë si dhe një dorezë metalike.
Materialet i kaluan Prokurorisë pranë Gjykatës së Shkallës Parë Elbasan, për veprat penale. "Mbajtja pa leje dhe prodhimi i armëve, armëve shpërthyesedhe i municionit" dhe "Prodhimi, mbajtja, blerja apo shitja pa leje e armëve të ftohta".
