Pas akuzave të opozitës e cila mblodhi grupin parlamentar në Shkodër, ministri i Brendshëm Fatmir Xhafaj dhe drejtori i policisë së SHkodrës janë vënë në lëvizje. Pasditen e së hënës janë vënë re forca të shumta të policisë që patrullonin në rrugët e qytetit. Sipas disa pamjeve të publikuara nga Report Tv shihen furgonë të policisë që patrullojnë në lagjen Rus pranë Dobraçit.
Në këtë zonë jeton familja Bajraj që është akuzuar nga Partia Demokratike pak ditë më parë si e përfshirë në botën e krimit. Njëri prej anëtarëve të familjes është Safet Bajraj, që u bë i njohur pas historisë së përplasjeve në Belgjikë dhe akuzave nga PD, si i lidhur me një deputet të majtë. Sipas të njëjtave burime po kryhen edhe kontrolle në disa banesa, por ende nuk ka një njoftim për rezultatet. Për momentin rëndësi ka spektakli në rrugët e Shkodrës. ©LAPSI.al
https://youtu.be/uqwHJDTpU14
