Pavarësisht debatit të madh dhe pas protestave të dhunshme ku u shkatërruan sportelet e kompanisë koncesionare, pagesa për kalim në Rrugën e kombit do të aplikohet nga data 17 shtator për çdo drejtues makine. Çdo përdorues i kësaj rruge do të paguajë 660 lekë për çdo kalim, pra 5 euro.
Nuk dihet nëse do të ketë një indeksim të tarifës së kalimit për makinat me tonazh më të madh, gjë e cila u diskutuar më parë, apo dë të vihet një çmimi standard për të gjitha kalimet.
Ndërkohë për banorët e qarkut të Kukësit do të aplikohet tarifa prej 100 lekë. Tarifa e kalimit në rrugën Durrës-Kukës u vendos për herë të parë në fillim të muajit prill në masën 5 euro për një kalim ose 10 euro vajtje ardhje.
Në kontratën e koncesionit parashikohej që për banorët e zonës të kishte lehtësira, por vetëm 6 muaj pas hyrjes në fuqi të taksës derisa të identifikoheshin përdoruesit e shpeshtë.
