Një 57-vjeçari është gjetur i vdekur në banesën e motrës së tij në fshatin Snosem të Gramshit.
Ferdinad Tafa, banues në fshatin Dushk kishte shkuar për darkë në shtëpinë e së motrës.
Ai është gjetur i vdekur pa shenja dhune dhe në njoftimin e policisë thuhet se ishte i sëmurë mendor.
"Dyshohet se Tafa ka shkaktuar aksidentalisht vatër zjarri në teshat e fjetjes dhe si pasojë e asfiksisë nga tymi i shkaktuar në dhomën e gjumit, ka gjetur vdekjen,"-raporton policia e Elbasanit.
Materialet u referuan në Prokurorinë pranë Gjykatës së Parë Elbasan, për vlerësim.
