Një ngjarje e rëndë raportohet në Fushë Mamurras të Kurbinit.
Një 14-vjeçar me iniciale A.S. ka gjetur vdekjen pasditen e së mërkurës pasi u godit me thikë nga një bashkëmoshatar.
Paraprakisht dyshohet se shkak është bërë një grindje mes tyre, megjithatë nuk ka ende detaje të qarta për ngjarjen e rëndë.
Në një njoftim paraprak, policia thotë se autori është një 15-vjeçar me iniciale A.Xh. dhe shkak për sherrin është bërë një konflikt i çastit.
I mituri u transportua në spital, por nuk mundi t’ju mbijetoje plagëve të marra dhe ndërroi jetë.
Autori i dyshuar i vrasjes është arrestuar ndërsa po kryhen të gjitha veprimet procedurale për rastin.
Njoftimi i policisë
Sot, rreth orës 20:34, është marrë njoftim se në Fushë Mamurras në Kurbin, shtetasi A.Xh. 15 vjeç, banues në Fushë Mamurras, ka goditur me mjet prerës ( dyshohet thikë) shtetasin e mitur A.S. 14 vjeç, banues në Fushë Mamurras, i cili ka ndërruar jetë si pasojë e plagëve të marra.
Nga veprimet hetimore dyshohet si pasojë e një konflikti të çastit.
Autori i dyshuar është kapur dhe shoqëruar në Komisariat, për veprimet e mëtejshme hetimore proçedurale, për veprën penale të kryer.
Grupi hetimor nën drejtimin e Prokurorisë së Rrethit Gjyqësor Kurbin, ndodhen në vendngjarje për sqarimin e plotë të rrethanave të ngjarjes.
