Edi Rama u prit sot me protesta kur erdhi në Elbasan.
Kryeministri udhëtoi drejt Elbasanit për të zhvilluar një takim me mësuesit në prag të fillimit të vitit të ri shkollor.
Por, Partia Demokratike kishte organizuar një protestë.
Disa qytetarë të mbledhur para ambientit ku do të zhvillohet takimi, e kanë pritur me parulla dhe thirrje kreun e qeverisë. Aty janë mbledhur edhe forcat e policisë për të garantuar rendin dhe sigurinë.
Mësohet se Rama do të takohet pasditen e sotme me mësuesit e fëmijëve me aftësi të veçanta për t’u njohur më nga afër me shqetësimet e tyre, dhe problematikat që hasin gjatë punës.
