Edi Rama po përpiqet ta qesharakëzojë idenë e Lulzim bashës për të ndryshuar Kushtetutën në mënyrë që të bëhet vetting edhe për politikanët. Pasi dje iu përgjigj pozitivisht propozimit të kreut të opozitës sot, në asamblenë e PS, kryeministri tha se ky vetting duhet të fillojë nga ai. "Përtej kësaj unë them që çdo instrument i ri, i mundshëm, që bën transparencë për mua të parin, gruan time, tokat e gruas sime, pallatin e gruas sime, tenderat e baxhanakut tim, kunatin, fëmijët e mi është një instrument që mund të na vlejë" tha ai para socialistëve.
Lexo me tej:
Andi Bushati: Bllofi fëmijënor i vettingut të politikanëve
Më tej Rama vazhdoi me të njëjtat nota ironike: "Kush e vë dorë në zjarr që baxhanaku im s’ka marrë 15 mln euro, mbase Taulanti, atëherë si bëhet?
Kush e vë dorën në zjarr që gruaja ime nuk ka ndërtuar pallat, apo që sarajet e mia nuk janë arsyeja që kam aq shumë miqësi më sulltanët.
Shyqyr që u kandis Luli ta bëjë këtë punë, jam gati, çështja është që të mos jetë e lidhur me reformën në drejtësi që të kthejë mbrapsht këtë reformë. Ai vettingu tjetër të vazhdojë, këtë që i lindi në zemër Lulit unë jam gati ta bëjmë dhe ta fillojmë",
Me këtë përgjigje flakë për flakë Rama tregon jo vetëm sigurinë e atij që ka në dorë edhe gurin edhe arrën, por mbi të gjitha edhe të atij që ka kohë që nuk i frikësohet më kësaj opozite.
©Lapsi.al
