Deputeti socialist Anduel Xhindi i ka dhënë fund beqarisë. Ceremonia e martesës është kryer në një nga lokalet e kryeqytetit, ku të pranishëm kanë qenë jo vetëm miq dhe familjarë të tij, por edhe kolegë deputetë.
I pranishëm ka qenë edhe Kryetari i Kuvendit Gramoz Ruçi, së bashku me Kryetarin e grupit parlamentar Taulant Balla, por nuk ka munguar as ministri i brendshëm Fatmir Xhafaj.
Ajo që spikat është rikthimi i buzëqeshjes tek Ruçi teksa troket gotën me verë. Anduel Xhindi është djali i Fatmir Xhindit, deputetit socialist të vrarë në rrethana misterioze në 2 maj 2009.
