Xhesika Polo: "Si dhe pse vendosa të heq dhjamin në bel dhe në gushë"

Ndryshe nga shumë kolege të saj apo të tjerë personazhe të showbiz-it, Xhesika Polo nuk e ka pasur kurrë problem peshën, përkundrazi. Gjithmonë në paqe me veten dhe gjithmonë e hapur për t’i thënë publikut se është ajo që është dhe nëse e do muzikën dhe artin e saj, le ta përqafojë; nëse jo, atëherë ky nuk është aspak problem i saj. Pak muaj më parë, këngëtarja 21-vjeçare bëri një ndërhyrje në gushë, të cilën jo vetëm e ndau me të gjithë, por edhe e pranoi publikisht se nuk kishte arsye pse ta fshihte. Gjithçka bëhej për të mirën e shëndetit dhe pamjes së saj. Ndërsa këtë verë, bëri edhe një ndërhyrje tjetër për të reduktuar depozitimin e dhjamit të tepërt në zonën abdominale. Vendimin e kishte marrë, por edhe këtë herë e rrëfeu hapur me publikun. E ftuar pasditen e sotme te “Rudina”, Xhesika tha se vendimin nuk e kishte marrë sepse kishte probleme me peshën apo me veten, por sepse, bashkë me këtë ndërhyrje, dëshironte të ndërronte mënyrë jetese: “Unë nuk e kam pasur problem peshën, nuk më ka penguar në karrierë, është komentuar, sigurisht, siç komentohet çdo gjë, por unë nuk e kam pasur problem” – tregon këngëtarja e bindur në zgjedhjen që bëri. E mendova më përpara edhe si një stil krejt tjetër jetese. Ndërhyrja në bark konstatonte në futjen e disa shiringave që të hiqnin pjesët e tepërta të dhjamit. Unë vetëm disa ditë më pas isha në një koncert, edhe pse m’u deshën 4 javë të mbaja një korse. Edhe pas ndërhyrjes, Xhesika nuk ndryshoi shumë nga vetja. Mbeti po ajo vajza me format e kolme, madje edhe me rroba banje nisi të postonte foto pa filtra. Edhe me celulit. Siç rrëfeu ajo, ishte Ronela Hajati ajo që e frymëzoi për këtë pjesë. “E bëra për veten time, e ndieja që kishte ardhur momenti të bëja një ndryshim. E bëra këtë ndërhyrje si një motivim për ta mbajtur këtë lloj fiziku. Më duhet ta mbaj me palestër, regjistër ushqimor etj.”

 

View this post on Instagram

 

Askush nuk eshte perfekt! Duke u munduar te dukemi sa me ideal per syte e publikut harrojme te jemi te vertete...Kjo eshte nje foto E VERTETE. Nuk paska gje me te bukur se te jesh rehat ne lekuren tende. (Shtyse per te postuar kete foto mu be @ronelahajatiofficial me postimet e saj te fundit ♡) #nosmoothingchallenge #bereal #nophotoshop #summerbodygoals

A post shared by Xhesika Polo (@xhesikapoloofficial) on Aug 30, 2018 at 1:59am PDT