Përveç zgjidhjes së kontestit të emrit, Greqia dhe Maqedonia po shkojnë gjithashtu drejt rishikimit të shkrimeve në histori, materialeve arkeologjike dhe çështjeve të tjera që lidhen me fushën e arsimit. E përditshmja ‘Kathimerini’ shkruan se është ngritur një grup pune ndërdisiplinor që do të shqyrtojë nëse është e nevojshme, që të skanohen të gjitha materiale që mendohet se janë problematiike. Ngritja e këtij komisioni është parashikuar që në marrëveshjen mes Greqisë dhe Maqedonisë e cila është parashikuar që në takimin mes dy kryeministrave dhe ministrave të jashtëm të këtyre vendeve. Pala greke do të drejtohet nga zëvendësministri i Jashtëm, Markos Bolaris, ndërsa Viktor Gaber, një diplomat karriere, do të kryesojë palën maqedonase. Komisioni i përbashkët do të kalojë në dorë çdo libër shkollor, libra historie, udhëzime mësimore të përdorura nga të dyja shtetet etj.
© LAPSI.al
