Tre ditë pasi reperi Mac Miller u nda nga jeta, mund të kemi përgjigjen mbi shkakun e vdekjes.
“People” raporton se autopsia e tij ka përfunduar dhe shumë shpejt pritet të bëhen zyrtare rezultatet.
“Autopsia u përfundua dhe shkaku i vdekjes është shtyrë në pritje të testeve shtesë. Trupi i tij është dorëzuar”, tha Sarah Ardalani, zëdhënësja e gjykatëses së qarkut në Los Anxhelos për 26-vjeçarin, Malcolm McCormick, i cili u gjet i vdekur në Studio City, në shtëpinë e tij në Kaliforni.
Të premten, një burim tha për “People” se Miller pësoi një arrest kardiak pasi ka pësuar një mbidozë droge.
Shtëpia e Millerit thuhet se ishte “pastruar” në mënyrë që të mos gjendeshin prova për përdorimin e drogës.
“TMZ” raportoi se vetëm një sasi e vogël e pluhuri të bardhë u gjet në shtëpinë e Millerit kur policia po merrte prova në vendngjarje.
