Shtatë ditë pas vrasjes së shqiptarit Fatmir A. në Spanjë, raportohet se janë gjetur prova të reja që mund të çojnë në zbardhjen e krimit.
Media lokale “Diari de Tarragona” shkruan se një makinë e djegur e gjetur nën urën “Riudecanyes”.
Sipas hetimeve, rezulton se është e njëjta e përdorur në vrasjen e shqiptarit në lagjen “Carrilet Reus“, në provincën e Terragonës në Katalonjë.
Dyshimet e hetuesve janë se pas krimit, autoret i kanë vënë flakën makinës poshtë urës, ndërsa mbetet ende e paqartë nëse kanë përdorur një tjetër makinë për të vijuar arratinë.
Brenda makinës së djegur është gjetur edhe një armë zjarri.
Pistoleta është duke u analizuar në departamentin e balistikës për të zbuluar nëse është përdorur në vrasjen e shqiptarit. Zjarri në makinë mund të ketë eliminuar çdo gjurmë të autorëve, megjithëse ky zbulim mund të jetë çelësi i parë drejt zgjidhjes së çështjes.
