“Mafia nigeriane dhe ajo shqiptare, janë ndër më të pranishmet në territorin italian, mbi të cilët hetojmë me imtësi”. Deklarata vjen nga Prokurori i Antimafias italiane, Federico Cafiero de Raho.
“Ndaj mafias nigeriane dhe mafias shqiptare është përqendruar vëmendja e hetimeve tona. Mafia shqiptare, vepron në pozitë të barabartë me klanet mafioze italiane me të cilat bën biznes për të administruar së bashku trafiqet ilegale - tha ai.
Prokurori Italian u shpreh më tej se kontrabanda e cigareve, e drejtuar nga mafie te huaja, ka nisur të aktivizohet në territorin italian dhe “kjo nuk duhet nënvlerësuar”, theksoi më tej ai në komunën Casal di Principe, në ceremoninë e dhënies së titullit “Qytetar Nderi”.
