Tërmet Peçi jo vetëm i ka kënduar Enverit në darkën ku është filmuar në Tepelenë, por edhe e ka paguar atë darkë me paratë e qytetarëve të Tepelenës.
Pikërisht në qytetin ku diktatura vendosi të ngrejë një nga kampet më famëkeqe të persekutimit, që shpesh është krahasuar me Aushvicin, pas 70 vitesh vazhdohet t'i këndohet Enver Hoxhës në organizime të paguara me fondet publike.
Por në një reagim që ka pasur për News24, Tërmet Peçi duket se nuk e kupton aq mirë atë që ka ndodhur, ose më saktë nuk do ta mendojë gjatë. Të paktën kështu duket nga fjalitë që artikulohen jo si një kryetar bashkie i përgjegjshëm, por si një njeri i painteresuar dhe që nuk preferon ta vrasë shumë mendjen për çështjen në fjalë. Gjithsesi Tërmet Peçi e pranon se darka ku ai këndonte këngë për ish diktotarin me grushtin lart, ishte një aktivitet zyrtar, e shtruar nga Bashkia e Tepelenës me rastin e 75 vjetorin të çlirimit të qytetit.
“Gjithçka ishte në kuadër të festimeve. Nuk kishte asgjë tjetër. Sa për reagimin e deputetit të PD-së, për këtë qark, Tritan Shehut, do e pyes pse nuk erdhi dje në aktivitet, po merret me këto histori? Po le të më heqin, ca të them unë. S’do merrem me këto histori”, tha kryebashkiaku Peçi.
[video width="276" height="360" mp4="https://cdnimpuls.com/lapsi.al/wp-content/uploads/2018/09/termet-peci.mp4"][/video]
